lunes, 31 de octubre de 2016

(A GUARDA) A FOZ DO MIÑO



Este plano foi realizado por Mathías López Cotón no ano 1714 como proba ou "vista de ojos" nun preito que enfrentou ao fiscal real e os veciños de San Miguel de Tabagón cos do Rosal e a xustiza e reximento da Guarda sobre aproveitamento de esquilmo e más produtos das illas de Canosa e Torroeira.
Como pode observarse, debuxa o río Miño na súa desembocadura e Portugal ("río Miño que baja a la mar, dividiendo este reino de Galicia del de Portugal") e ofrece outros moitos detalles de interese. Así, por exemplo, na parte esquerda obsérvase o "castillo, villa y feligresía de la Guarda". Cara á dereita (cara ao leste) as igrexas e fregresías de Salcidos, O Rosal e Tabagón.
Existe outro plano, de non menor interese estético e informativo, correspondente a outro preito semellante do ano 1732.
Ten a signatura RA 11 da Colección Cartográfica e Iconográfica. O preito co que corría xunto é o 27.268/1 do fondo da Real Audiencia de Galicia

No hay comentarios:

Publicar un comentario